ازاي ابدأ هاند ميد?

أهمية الحرف اليدوية مش بس في القطع اللي بنفذها وبنطلع منها قطع فنية، الموضوع أكبرمن كدا بكتير..

من فوائد تعلم الحرف اليدوية هو إننا بنزود جودة حياتنا، بيقلل التوتر والطاقة السلبية، بيخليني شخص اجتماعي أكتر لإني ببتدي أختلط بناس عندها نفس اهتماماتي، بيخلي عندي ثقة في نفسي، بيخليني أقدر أكتشف مهاراتي وشغفي.

طب ازاي بقى ابدأ هاند ميد ؟

1- تعرفي ايه هي أنواع الهاند ميد

الهاندميد أو الفنون اليدوية اللي ممكن أتعلمها مش حاجة واحدة، هم كتير جدا وليهم أشكال وأنواع كتيرة، وفيه منهم اللي شبه بعض جدا وبيكملوا بعض، زي الكروشيه والمكرمية، فن الخيط والكويلنج، الرسم والتلوين … إلخ. وكل واحد منهم ليه إستخداماته وأدواته المختلفة.

2- تختاري اللي يعجبك منهم

بعد ما أخدتي فكرة عن كل فن وعرفتي ايه مكوناته وايه المنتجات اللي بنفذها عن طريقه،

بقى عندنا صورة واضحة كدة لـ ايه الإختيارات اللي قدامنا من الفنون اليدوية اللي ممكمن نتعلمها، والطريقة اللي بنختار بيها بتعتمد على الأدوات اللي بنستخدمها للفن ده وهل هي متاحة لينا، ايه المنتجات اللي بنفذها وهل احنا محتاجنها ولا لا، هل عندي خبرة مسبقة في النوع ده من الفنون وممكن ياخد مني أد ايه عشان أتعلمه.

3- تعرفي ايه الخامات اللي مطلوبة

أهم عامل من العوامل اللي بتخليني أقدر أنفذ المنتجات الفنية هي الخامات بتاعتها.

الخامات بتختلف من فن للتاني، على سبيل المثال: الكروشيه بيحتاج نوع خيط مختلف عن خيط المكرمية مختلف عن خيط التطريز مختلف عن خيط فن الخيط، و طبعا مينفعش أستخدم نوع خيط فن لفن تاني، فيه فنون بتحتاج فرش وألوان ولوحة رسم عشان أنفذ قطعة فنية، فيه فنون بتحتاج حاجات مختلفة تماماَ. المقصود إني مش هطلع بالنتيجة المطلوبة لو أنا مش بستخدم الخامات الصح لكل فن وبكدة أكون معملتش أي حاجة وضيعت وقتي عالفاضي.

4- تبدأي تنفيذ قطع

بعد ما عرفت كل الخطوات اللي بحتاجها في تنفيذ القطع الفنية، جت دلوقتي أهم خطوة وهي التنفيذ، تنفيذ القطعة الفنية اللي صرفت فيها وقت ومجهود وفلوس وطاقة عشان أتعلمها،

التنفيذ زيه زي اللي فات من ناحية إنه بيختلف من فن للتاني. فيه فنون بتحتاج عقد، زي فن المكرمية وفن الكروشيه، فيه فنون بتحتاج طوي ولف، زي الكويلينج أو فن الورق.

وطبعا لازم أكون عارفة طريقة التنفيذ، و دي ليها مصادر كتير عشان تتعلميها بس أغلبها غالية أو جودتها ضعيفة.

عشان كدة احنا هنا في انتيكيانو بنوفرلك كورسات شاملة لكل نوع من الفنون بطريقة بسيطة، وبنبدأ من الصفر لحد الإحتراف،

وطبعاَ بسعر مناسب جدا لأي حد وبجودة مميزة، غير إن احنا بنتابع مع كل المتدربين بشكل دوري.