ايه هي الدريم كاتشر؟

الدريم كاتشر أو ملاحقة الأحلام واحدة من أهم عناصر الثقافة للشعوب الأمريكية، وبيرجع أصلها للشعوب الأمريكية الأصلية.

بتتكون الدريم كاتشر من دايرة مثلثية بتتصنع من الخيط والحرير بأشكال و ألوان مختلفة، كان معتقدات الناس إنها بتحمي الأحلام أوقات النوم وبتبعد الأحلام الوحشة أوقات النوم.

و كان فيه معتقدات تانية ليها خلفية روحية وأخلاقية ودينية ودة كان واحد من أهم الأسباب اللي الناس كانت بتشتريها في فترات طويلة.

لكن كل دي معتقدات وأستخدامات قديمة للدريم كاتشر ؛ دلوقتي الدريم كاتشر تستخدم بطرق مختلفة من ضمنهم:

•          تزيين حوائط أوض النوم : الدريم كاتشر في أوضة النوم بتدي إحساس بلمسة من الجمال والراحة

•          تزيين المطابخ: أساسي إن المكان اللي بنعمل فيه الأكل بكون شكله منظم و جميل و نقدر نعمل دة عن طريق قطعة دريم كاتشر و تنظيم أدوات الطبخ

•          السيارات: ممكن نستخدم الدريم كاتشر عشان نخلي شكل العربية بتاعتنا من جوا شكلها جميل و مريح وعصري

•          الحدائق والمناطق الخارجية: ممكن ننسق الدريم كاتشر مع منظر طبيعي و زرع بتدي شكل مريح للعين

في النهاية؛ مش لازم الصورة اللي ظهرت بيها الدريم كاتشر تكون هي نفس معتقداتنا.

 لكن كل اللي بنعمله هو إننا بنكون عارفين ده ونوظفه بالشكل الأحسن لينا زي إننا نزود اللمسة الجماليه علي أي مكان بنكون فيه عشان حياتنا وأنتاجنا يكون أحسن.