ايه هو الكويلنج؟

 الكويلنج أو فن التشكيل بالورق الملون هو شكل من أشكال الرسم بنستخدم فيه شرائح ورقية طويلة وملونة، وبيقوم على استخدام شرائط من الورق بنلفها ونشكلها وبعد كدة نلزقها مع بعض عشان نعمل بيها تصميمات جميلة ومميزة.

بدأ الفن ده في مصر القديمة زمان وكانوا بيستعملوه عشان يزينوا بيه الكتب وبعد كدة ابتدى ينتشر في أوروبا في القرن الـ 18 في عصر النهضة، في دول كتيرة زي بريطانيا وايطاليا وفرنسا،

 كانت الراهبات بيستعملوه عشان يزينوا بيه الكتب والكنائس، وكان أكتر ورق يسستخدموه هو شرائط الورق المقطوعة من حواف الكتب المذهبة.

 وكان بيتم لف الشرائط الورقية المطلية بالذهب علشان يعملوا بيها الأشكال الملوية، في القرن الـ 18 الكويلنج بقى فن شائع في أوروبا حيث إن الستات في الوقت ده سواء أغنيا أو فقرا كانوا عندهم وقت فراغ كتير ولقوا في الكويلنج حاجة تسليهم و في نفس الوقت يقدروا يستفادوا منها في الزينة.

بعد كدا انتشر الكويلنح إلى الأمريكتين، لحد ما بقى دلوقتي فن منتشر ومنتجاته بقت مطلوبة جدا وشكلها بيميز أي مكان بتكون متواجدة فيه.

الكويلينج دلوقتي بقى ليه إستخدامات كتير، و المنتجات اللي بتتنفذ بيها بقت أكتر من أي وقت فات.

و من أمثلتها: تزيين دعوات الأفراح، تزيين دعوات عيد الميلاد، وبطاقات المعايدة، وصفحات سجل القصاصات، والمربعات.

حتى إنه ممكن دلوقتي تلاقي قطع كويلنج في المعارض الفنية في أوروبا والولايات المتحدة، ودلوقتي بعد ما عرفنا ايه هو الكويلنج وتاريخه واستخداماته، فضل مهم نجاوب على سؤال هو ازاي أتعلم الكويلينج؟

احنا في انتيكيانو خلينا الموضوع بسيط في الكورس بتاعنا.

كورس الكويلينج بيبدأ من الصفر لغاية تقريبا مرحلة الاحتراف، بنتعلم مع بعض كل حاجة عن الكويلينج:

أدوات الكويلينج: الخامات المستخدمة، أسعار الخامات، أماكن بيعها، الأشكال بالورق، القص والتحضير، تسعير القطع وبيعها، التغذية البصرية، عجلة الألوان.

8 قطع كويلينج كاملة.. الحلق، البرواز، الساعة، البورتريه، حرف، كلمة، بوكس هدايا، جوابات هاندميد.