ايه هي مرجيحة المكرمية - قطع مكرمية - مكرمية

عن المرجيحة بفن المكرمية:

المرجيحة بتعبر عن الطفولة والسعادة، ولما بنشوفها ف أي مكان بنجري عليها وبنسترجع ذكرياتنا الجميلة كلها.

بس دي مش أي مرجيحة.. دي كمان مرجيحة بالمكرمية، بخيوطها الطبيعية الناعمة والوانها الهادية المريحة، بتعمل مزيج من الراحة والسعادة والاستجمام.

تقدري تسترجعي ذكريات طفولتك وتعملي ذكريات جديدة مع اللي بتحبيهم، أو حتى لوحدك وانتي بتقرأي أو وانتي بتريحي أعصابك في هدوء.

دمج المرجيحة المكرمية في الديكور:

-         تقدري تستخدميها في زاوية غير مستغلة علشان تكون دي الزاوية الخاصة بالراحة والاسترخاء.

-         كمان تقدري تحطياه في مكان بيطل على حديقة أو شباك أو حائط مزخرف.

-         ممكن تضيفيها في المداخل والممرات هتكون مثالية وجذابة للعين بشكلها المختلف.

-         في الحديقة والاماكن المفتوحة بتكون مرجيحة المكرمية بمثابة لوحة فنية بتضيف جو من الإبداع والالهام؟

-         ببساطة استغليها في إنك تعملي ركن الهدوء، وخليه مساحة شخصية خاصة بيكي بتفصلي بيها عن العالم كله حرفيا.

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، كل تفصيلة وكل لون، بتعكس فن وجمال وروح القطعة، وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

وابسطينا ونورينا بوجودك دايما في انتيكيانو