ايه هي رفوف المكرمية - قطع مكرمية - مكرمية

عن الرفوف بفن المكرمية:

رفوف المكرمية بتعمل زي السحر في الديكور، وده لإنها حرفيا بتميزه وبتضيفله جمال بشكل كبير جدا.

الرفوف بتخلي المكان كله أناقة وفن، لإنها مش مجرد قطعة أثاث عادية، ده خليط من الفن والإبداع، والعملية اللي هتحول أي أوضة في البيت لمكان مميز.

في حالة إن عندك مساحة صغيرة وعايز تضيف حاجة عملية وجميلة، تحط عليها الكتب، التحف، أو حتى النباتات الداخلية من غير ما تشغل مساحة كبيرة في المكان.. الرفوف هيكون خيار مميز جدا.

دمج الرفوف المكرمية في الديكور:

-         تقدري تعلقي رفوف المكرمية في المساحات الصغيرة، أو الطولية، وده لإنها هتضيف مساحة اضافية، وهتكون كمان مساحة مستغلة.

-         الرفوف ليها استخدام مثالي دايما في حالة إننا حابين نضيف الزهور أو النبات أو الكتب كعنصر جمالي للديكور

-         اضافة مثالية للديكور العصري للبيت، بتضيف لمسة جميلة وابداعية للمكان، وده بسبب الخيوط القطن، والخشب الطبيعي.

-         بتكون أجمل بكتير الرفوف لما تضيفي عليها حاجات تديها لمسة شخصية، زي برواز بصورتك، أو قطع فنية من صنع ايدك، أو حاجات بتحبيها.

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، كل تفصيلة وكل لون، بتعكس فن وجمال وروح القطعة، وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

وابسطينا ونورينا بوجودك دايما في انتيكيانو