ايه هو حامل نبات المكرمية - قطع مكرمية - مكرمية

عن حامل النبات بفن المكرمية:

الطبيعة لما بتتجمع أشكالها مع بعض بتعمل جو من التناغم والصفاء، والزرع أكتر ديكور فالبيت بيكون هادي ونقي، بساطته بتدي منظر جمالي مش هتلاقيه في لوحات فنية.

علشان كده حامل الزرع اكسسوار عصري واضافة جميلة في ديكور بيتك.. وعادة بيكون مصنوع من خيوط قطن متينة وصديقة للبيئة.

دمج حامل النبات المكرمية في الديكور:

-         شكله البسيط والخفيف والطبيعي ميخدعكيش إنه مش هيتحمل، لإنه مصنوع بكل إتقان هاند ميد عشان يعيش معاكي طول العمر.

-         بيجمل من شكل النبات ويبرزه، يجذب الانتباه لي وللديكور المميز.

-         تعليق النباتات بيوفر معاكي مساحة على الترابيزات والأرفف.

-         هينفع لكل ركن فبيتك وهيزود من راحة وجمال الطبيعة في بيتك.

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، كل تفصيلة وكل لون، بتعكس فن وجمال وروح القطعة، وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

وابسطينا ونورينا بوجودك دايما في انتيكيانو