ايه هو هاموك المكرمية - قطع مكرمية - مكرمية

عن الهاموك بفن المكرمية:

الهاموك في العموم من الحاجات الجميلة اللي بتخلي أغلبنا ينبهر لما يشوفها.

ولإننا بنحتاج من وقت للتاني نفصل عن الدنيا والهموم، فنهرب لمكان مريح بالأخص وقت الاجازة، بنهرب من الشغل والدراسة لحاجة بنحبها أو مكان بنستريح فيه.

الهاموك قطعة بتعبر عن الراحة والإسترخاء، بيديكي مساحة من الهدوء تفصلي عن الهموم والتعب.. وبيتعمل بقماش عالي الجودة وحبال مكرمية متينة، وده بيخلي عمره الافتراضي طويل نسبيا.

دمج الهاموك المكرمية في الديكور:

-         تقدري تستخدميه في زاوية غير مستغلة علشان تكون دي الزاوية الخاصة بالراحة والاسترخاء.

-         كمان تقدري تحطيه في مكان بيطل على حديقة أو شباك أو حائط مزخرف.

-         ممكن تضيفيها في المداخل والممرات هتكون مثالية وجذابة للعين بشكلها المختلف.

-         في الحديقة والاماكن المفتوحة بيكون هاموك المكرمية بمثابة لوحة فنية بتضيف جو من الإبداع والإلهام؟

-         ببساطة استغليها في إنك تعملي ركن الهدوء، وخليه مساحة شخصية خاصة بيكي بتفصلي بيها عن العالم كله حرفيا.

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، بتعكس فن وجمال وروح القطعة، كل تفصيلة وكل لون بترسمنا شياكة الديزاين وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

https://antikiano.com/products/22

وابسطينا ونورينا بوجودك دايما في انتيكيانو