ايه هي أربطة ستائر المكرمية - قطع مكرمية - مكرمية

عن أربطة الستائر بفن المكرمية:

القطعة دي واحدة من القطع اللي ليها شعبية كبيرة في الاستخدام كديكور منزلي بسيط.

وجودها دايما بيرتبط بالستاير، ومش شرط ستاير مكرمية لإنها بتليق على كل الأنواع تقريبا.

بتكون بسيطة في النقل والتخظين والتنضيف بشكل عام.

دمج أربطة الستائر المكرمية في الديكور:

-         تقدري تنسقي بين الوان الستائر نفسها وبين الأربطة والديكور كمان بشكل عام، مثلا لو الوان الستائر محايدة أو فاتحة، ممكن نستخدم أربطة مكرمية بألوان دافئة.

-         اضافة عنصر من غرز المكرمية حوالين الستاير بيضيفلها شكل مميز وجذاب.

-         دمج الأشكال المكرمية مع الستائر زي الريشة بيضيف لمسة مختلفة للديكور.

-         مش بس استخدامها للستاير، لكن كمان ممكن نستخدمها في حاجات مختلفة زي الشبابيك والأبواب.

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، كل تفصيلة وكل لون، بتعكس فن وجمال وروح القطعة، وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

وابسطينا ونورينا بوجودك دايما في انتيكيانو