ايه هي ستارة المكرمية - قطع مكرمية - مكرمية

عن الستارة بفن المكرمية:

الستاير من القطع اللي بتفرق جدًا في شكل البيت والشبابيك، الديكور بيتغير 180 درجة وتعتبر من أساسيات الفرش.

والأهم بتفرق في دخول الشمس والهوا للبيت ومنهم الطاقة والسعادة والفيتامينات.

بيبقى فيه أماكن فالبيت بتحسي إنها ناقصة حاجة تنطقها، أو مش لطيفة لعينك محتاجة قطعة مختلفة.. هنا بقى بييجي دور الستارة.

دمج الستارة المكرمية في الديكور:

-         شباك أو طرقة مفتوحة ع الريسبشن وعاوزة تداريها بلوحة فنية تضيف تصميم شيك لبيتك.

-         مطبخ ظاهر لكل اللي معدي ومش عاوزة تقفليه وتكتمي حركتك، بس ناقصه قطعة جمالية مدارية وراها طبخة تحفة.

-         أوضتين مفتوحين على بعض وعاوزة تعملي عازل بسيط ميبوظش الشكل العام بس يضيف ليهم زخارف تجملهم أكتر.

-         ريسبشن ناقصه ستارة شيك وفخمة وفنفس الوقت بسيطة ومريحة، وتليق على الديكور البوهيمي لبيتك.

-         كمان ممكن جزء من ستارتك يكون مكرمية والجزء التاني ستارة تقليدية تليق معاها وتزود من المناسب بينهم.

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، كل تفصيلة وكل لون، بتعكس فن وجمال وروح القطعة، وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

وابسطينا ونورينا بوجودك دايما في انتيكيانو