ايه هي شنطة المكرمية - قطع مكرمية - مكرمية

عن الشنطة بفن المكرمية:

شنطتك هي أكتر قطعة مهمة في يومك بشكل عام بتحتاجيها، وانتي خارجة وانتي رايحة الشغل وانتي في مناسبة وانتي مسافرة.

في شنط من كتر ما بتحبيها هتلاقي نفسك بتلبسيها كتير، بتاخديها معاكي فكل حتة حتى الأماكن اللي متستحملهاش، احنا متأكدين إنك بشكل كبير هتبقي حابة تعملي كدة مع شنطة المكرمية.

لإنها بتبقى شنطة مميزة بتفاصيلها، وخيوطها، وشكلها اللي تحبيه.

دمج الشنطة المكرمية في الديكور:

-         شنطة المكرمية بتليق على أكتر من ستايل معاكي وبتخلي لبسك نضيف وليه لمسة جمالية وشيك فنفس الوقت.

-         الأكتر إنها بتليق في البحر والصيف، لكن فيه ديزاينات من المكرمية كمان للشنطة تخليها تليق معاكي في كل وقت.

-         أفكار كتير كمان ظهرت علشان تستخدميها براحتك في أحداث مختلفة.. فمثلا تقدري تستخدميها كشنطة "للكتب، للكاميرا، للأكل، للشطائ، للأدوات الرياضية، للهدايا، للاكسسوارات، وغيره من أفكار مختلفة كتير"

عن الديكورات بفن المكرمية:

لو عايزة تدّي هدية حلوة ومميزة لحد، قطع المكرمية هي اختيار مثالي، وده في مناسبات مختلفة زي الجواز، وأعياد الميلاد، والنقل لبيت الجديد، والأعياد بشكل عام.

بتتنفذ تصميمات المكرمية من خيوط قطن بجودة عالية، مع التركيز على تفاصيل القطع والغرز الخاصة بالمكرمية، ممكن يتم اضافة أدوات مختلفة للخيوط زي الخشب والحديد، أو حتى الاكسسوارات.

قطع المكرمية بتتميز باستخدام واسع في أماكن مختلفة، وبتناسب أشكال مختلفة من الديكور، سواء ديكور داخلي أو خارجي.

ليه تختاري قطع ديكور متنفذة بفن المكرمية:

-         فن المكرمية بيضيف لمسة فنية وجمالية مميزة للديكور، وده لإن كل قطعة فعلا بتكون مميزة بذاتها.

-         هي كنز للناس اللي بتحب التفاصيل والتميز، دايما شغل الهاندميد بيكون فريد وخاص، وكمان دقيق جدا في تفاصيله، فتقريبا القطعة ميكونش فيه شبها تاني، حتى لو نفذها نفس الشخص.

-         قطعة المكرمية صحيح معمولة من الخيوط، لكن بسبب التقفيل والغرز بتاعتها ده بيخليها متينة جدا، وتعيش وقت طويل وهي محافظة على جمالها وشكلها الطبيعي الأنيق.

-         سهلة في الفك والتركيب وده بيخليها اختيار مريح ومبتكر في نفس الوقت.

-         بتضيف لمسة من الراحة والدفء للمكان، وده بيحول المكان لمنطقة هادئة وخاصة بيكي.

كل عقدة، وكل فتلة خيط، كل تفصيلة وكل لون، بتعكس فن وجمال وروح القطعة، وزوق أصحابها، علشان كدة بنقول إن القطع الهاندميد مش بس قطعة ديكور، لكنها قصة كاملة انتي اللي بتكتبي سطورها وحكايتها، هي رسمتك الخاصة في شكل قطعة ظاهرة قدامك، كل عقدة تفصيلة تقدري تعتبريها نقطة بداية لخلق لحظات جميلة من الراحة والاسترخاء، وفي النهاية.. عبري عن ذوقك وحبك للديكور بالطريقة المناسبة ليكي، وبالشكل اللي تحبيه.

اتفرجي على العروض الخاصة بينا في قطع الديكور بالمكرمية من هنا

وابسطينا ونورينا بوجودك دايما في انتيكيانو