What is the cord thread - macrame thread?

ده مش مجرد خيط يا جماعة، ده كنز من كنوز الشغل في المكرمية، تعالوا نقولكم ليه.

الخيط ده يا جماعة مقسوم لنوعين تقريبا، خيط كردون محشي، وده بقى قصة وحدوتة لوحده ومن غير ليه، الخيط بيبقى ليه هيبة وشخصية كدة بتحسيها في أي قطعة هتشتغليها بيه.

وده لإنه بيتعمل بمكن مخصوص بيه، وبيكون جوة الخيط خيط محشي، ف ده بيظهر التفاصيل أكتر بكتير اوي من أي خيط تاني، ومش مبالغة لكن هتحسيه بينور القطعة بتاعتك.. خيط شيك وبيبط الفينش، وليه لمسة قوية جدا، تحسي الخيط ده بيطلع بالضمان بتاعه.

الخيط الكردون المحشي بيكون أغلى من أغلب أنواع الخيوط، لكن الحقيقة هو يستاهل طبعا، وممكن نقول إن ده خيط الحبايب بقى، والقطع اللي عايزين نميزها.. بتهر قوة الخيط ده في القطع الكبيرة زي الستاير والجدارية، وطبعا فيه حاجات مش لعبته زي السليبر والميداليات.

النوع التاني من خيط الكردون، هو الكردون الفاضي، النوع ده استخداماته كتير، زي خيط المجدول تقريبا، يعني مثلا تقدري تنفذي بيه قطع مختلفة زي "الستارة، جدارية، شنطة، أباجورة، كوشن.

بيميز الخيط ده سعره المتوسط، وهو أبسط من أسعار خيوط تانية كتير، ويمكن بيديكي نفس النتيجة تقريبا.

وبيتباع بالكيلو، وبيكون الكيلو الواحد فيه متوسط بكرتين، ومتوفر بأكتر من لون، يعني شبه ليه الوان مبتخلصش.

نيجي للفقرة الغير مفضلة عند كل الناس، وهي العيوب، الخيط ده من عيوبه إنه شبه مستحيل إنه يتسرح، الحالة الوحيدة لده، إنك تفكيه بإبرة مثلا، ودي بتبقى قصة وحدوتة يعني، وممكن تاخد منك وقت كبير جدا، ف هو مبنفعش تقريبا نستخدمه في أي قطعة هنحتاج نسرحها، وكمان من عيوبه المشهورة إنه البواقي بتاعته صعب إعادة تدويرها في قعة تانية.

بواقي الكردون دايما بتترمي للأسف، إلا طبعا، لو أطوالها تنفع لقعة تانية، لكن لو الأطوال بسيطة، ف بيكون مصيرها إنها تترمي.